ഓപ്പറേഷൻ തൂഫാൻ രണ്ടാംഘട്ട പദ്ധതിയുടെ പഞ്ചായത്ത് തല ഉദ്ഘാടനം നടത്തി
September 28, 2026
ഓപ്പറേഷൻ തൂഫാൻ രണ്ടാംഘട്ട പദ്ധതിയുടെ പഞ്ചായത്ത് തല ഉദ്ഘാടനം 2026 സെപ്റ്റംബർ 28 ന് ചേന്ദമംഗലം ഗ്രാമപഞ്ചായത്ത് ഹാളിൽ വെച്ച് ബ്ലോക്ക് പഞ്ചായത്ത് പ്രസിഡന്റ് പി ആർ സൈജൻ നിർവ്വഹിച്ചു. പഞ്ചായത്ത് പ്രസിഡന്റ് പി എ ഹരിദാസ് അദ്ധ്യക്ഷത വഹിച്ച ചടങ്ങിൽ വികസന സ്റ്റാൻഡിംഗ് കമ്മിറ്റി ചെയർപേഴ്സൺ ഷിബു ചേരമാൻതുരുത്തി സ്വാഗതം ആശംസിച്ചു. വൈസ് പ്രസിഡന്റ് ബെസ്സി സെബാസ്റ്റ്യൻ തൂഫാൻ പതാക ഉയർത്തി. മുനമ്പം ഡി വൈ എസ് പി ശ്രീ ജയകൃഷ്ണൻ എസ് തൂഫാൻ വാരിയർ പ്രഖ്യാപനം നടത്തി. ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ബിസ്സി അജീഷ് തൂഫാൻ പ്രതിജ്ഞ ചൊല്ലി കൊടുത്തു. ശേഷം തൂഫാൻ ബാഡ്ജ് വിതരണം നടത്തി. പറവൂർ ബ്ലോക്ക് വികസന സ്റ്റാൻഡിംഗ് കമ്മിറ്റി ചെയർമാൻ ജോർജ്ജ് വർഗ്ഗീസ്, ബ്ലോക്ക് പഞ്ചായത്തംഗം അഡ്വ ടി ജി അനൂബ്, ആസൂത്രണ സമിതി ഉപാദ്ധ്യക്ഷൻ ബെന്നി പുളിക്കൽ, മെമ്പർമാരായ ഷിപ്പി സെബാസ്റ്റ്യൻ, വിജയ ബിജു, റൂബി യേശുദാസ്, അജിത വിജു, ബബിത ദിലീപ്കുമാർ, ജയ ശിവാനന്ദൻ, ലാൻസൺ ചെമ്മാശ്ശേരി, രമേശൻ തറയിൽ, ഷാലി ആന്റണി, കുടുംബശ്രീ സി ഡി എസ് ചെയർപേഴ്സൺ റുഖിയ സിദ്ധിഖ് എന്നിവർ ആശംസകൾ അർപ്പിച്ചു സംസാരിച്ചു. സെക്രട്ടറി വിജയശ്രീ പി പി യോഗത്തിന് നന്ദി അർപ്പിച്ചു.
